Coordonnées 1623

Publié 2 mars 2018

Recorded mars 2018

  • Rating

     
  • Information

     
  • Easy to follow

     
  • Scenery

     
-
-
596 m
343 m
0
3,8
7,6
15,24 km

Vu 964 fois, téléchargé 49 fois

près de Augasantas, Galicia (España)

A belida Allariz, amais do seu monumental núcleo urbano declarado Conxunto Histórico-Artístico conta con outro conxunto igualmente así considerado: a Comarca de Santa Mariña de Augas Santas, entre os vales dos ríos Arnoia e Barbantiño. Razóns dabondo hai para que así sexa e poderemos citar coma méritos o contar coa igrexa románica de Santa Mariña (s. XII) , o pazo de verán do Bispo (s. XVIII), a Fonte da Santa (s. XIX), unha calzada romana, Camiño Xacobeo da Prata, basílica inacabada da Asunción (s. XIII) co Forno da Santa na súa cripta, as Pioucas da Santa, a Santa da Pedra (s. XVIII) e o abraiante asentamento castrexo e romano de Armea (ou Armeá). Por todos estos lugares prodixiosos discorrerá a nosa andada. Amais de Allariz o roteiro tamén vai polos concellos de Paderne de Allariz, Taboadelo e Baños de Molgas.

Se comezamos no mesmo centro de Santa Mariña, indo cara ao Forno da Santa, iremos atopando os seguintes sobranceiros elementos:

-Casco urbano histórico de Santa Mariña.

O ano 2007 remozouse soterrando os cableados e renovouse o enlousado das súas rúas.

-Igrexa de Santa Mariña.

A fábrica da igrexa actual é románica de finais do século XII e comezos do XIII. A torre do reloxo e campás, así como os pináculos de remate da fachada e as cúpulas das torres das rúas laterais son barrocas do s. XVIII.

-Pazo de verán do Bispo.

Foi encargado por Muñoz de la Cueva a principios do século XVIII sobre diversas construcións anteriores. Actualmente é Casa Parroquial.

-Fonte da Santa.

A fonte actual, unha das tres que segundo a lenda brotaron ao rebotar a cabeza da Santa ao ser cortada, mandouna construír o bispo Iglesias Lago a mediados do século XIX.

-Calzada romana.

Trátase dunha derivación da Vía XVIII do itinerario de Antonino que desde Allariz por Frieira, Roiriz, Turzás e Santa Mariña conduce ao val da Rabeda con dirección a Ourense. Na Idade Media foi utilizada polos peregrinos que percorrían a Ruta da Prata.

-Basílica da Asunción.

Din os carteis que hai ao carón dela: “A Basílica da Asunción foi declarada conxunto monumental en 1955. Comezou a construírse a finais do s. XIII con obra románica avanzada e abondonouse inconclusa, tal e como está hoxe, na primeira metade do s. XIV, coincidindo coa decadencia dos templarios, promotores da súa construción. No centro da teórica nave atópase a saída da cheminea do forno da cripta.

A cripta, coñecida como “Os Fornos”, relaciónase cos chamados “monumentos con forno e pedra fermosa”, propios da etapa final da cultura castrexa do noroeste. A tradición sitúa aquí o martirio de Santa Mariña, condenada a morrer abrasada e a que San Pedro sacou por un pequeño furado na parte superior do forno. Trataríase dunha edificación de grande antigüidade -castrexo final ou galaicorromano- con finalidade termal.”

-Pioucas da Santa.

Son dúas pías de pedra que hai entre a Basílica da Asunción e o Castro de Armea e que segundo a lenda, aquí arrefriou o corpo de Santa Mariña unha vez que San Pedro a rescatara do forno. Suponse que era un antigo lagar para obter aceite, pero en realidade non se sabe cal era a súa función.

-Castro e Cidade de Armea.

Nos anos 50 do pasado século, D. Francisco Conde-Valvís levou a cabo no monte das Muredellas ou dos Pendóns unha excavación arqueolóxica no que foi un asentamento inicialmente castrexo e logo romano, cunha cronoloxía entre os séculos III a.C. e o IV d.C. O recinto abrangue unha extensión de 357 por 169 metros, situándose o castro no curuto e asentándose a vila romana na aba do nordeste.

Do ano 2011 ao 2017 os traballos arqueolóxicos tiveron un decisivo pulo por parte do Grupo de Estudos de Arqueoloxía, Antigüidade e Territorio da Universidade de Vigo (GEAAT) que puxeron a vista un entramado urbano de rúas pavimentadas, rede de saneamento, canles de evacuació de augas pluviais, restos de casas de dous pisos, un adro porticado con presencia de tres columnas e dúas “domus”.

-Camiño Xacobeo da Prata.

Este vieiro pasa a carón do Castro de Armea, pero hai que aclarar que orixinariamente esta calzada, que iba do sur ao norte de Hispania, ligaba Augusta Emerita (a actual Mérida) con Asturica Augusta (Astorga), onde remataba, sen prolongación a Santiago de Compostela.

-A Santa de Pedra.

Esta escultura pétrea data do ano 1790, chantada no medio dunha carballeira e segundo a tradición, o penedo sobre o que se asenta e que ten un oco frontal, sempre ten auga curadora. Está en terras do concello de Paderne de Allariz.

View more external

Photo

A Costa

Aldea no concello de Paderne de Allariz.
Photo

A Lamela

Aldea no concello de Baños de Molgas.
Photo

Abeledo

Aldea do concello de Taboadela.
Site archéologique

Calzada romana

Derivación da Vía XVIII do itinerario de Antonino.
Photo

Camiño 1

Vieiro entre Venda do Río e Golpellas, no concello de Paderne de Allariz.
Photo

Camiño 2

Vieiro na aldea de A Lamela, Baños de Molgas.
Photo

Camiño da Prata

Vía xacobea que ven dende o sur de España.
Arbre

Carballeira

Carballeira arredor da Santa da Pedra.
Site archéologique

Castro de Armea

Asentamento castrexo e logo romano.
Waypoint

Comezo Sta Mariña

Punto de inicio do roteiro en Santa Mariña de Augas Santas.
Photo

Corredoira

Congostra que pasa pola Santa da Pedra.
Site archéologique

Forno da Santa

Lugar onde, segundo a lenda, sufriu tormento Santa Mariña. Atópase na cripta da Basílica da Asunción.
Photo

Golpellas

Aldea do concello de Taboaldelo.
Site religieux

Igrexa Sta Mariña

Templo románico de finais do século XII e comezos do XIII.
Ruines

Muiño

Muíño hidráulico as beiras do río Barbaña.
Photo

O Barrio

Aldea no concello de Paderne de Allariz.
Photo

Penedo da Moura

Colosal bolo granítico entre a Basílica da Asunción e as Pioucas da Santa.
Site archéologique

Pioucas da Santa

Pías de pedra relacionadas coa lenda de Santa Mariña.
Pont

Pontella

Pontón sobre o río Barbaña, na aldea de Venda do Río.
Pont

Ponton

Pontella sobre o río Barbaña, entre Venda do Río e Golpellas.
Ruines

Ruinas casa

Restos dunha casa nas aforas da aldea de Golpellas, en Taboadelo.
Photo

Santa da Pedra

Escultura do ano 1790.
Photo

Santa Mariña

Parroquia do concello de Allariz.

5 commentaires

  • Photo de Jasvieira

    Jasvieira 6 mars 2018

    Muito bonito este trilho . Me podes dizer se está marcado ou só com gps ? Obrigado

  • Photo de jesussimon

    jesussimon 6 mars 2018

    Non está marcado. Hai que facelo co GPS.
    Saúdos.

  • Photo de Jasvieira

    Jasvieira 6 mars 2018

    ok.obrigado !

  • Photo de rajito

    rajito 27 févr. 2019

    J'ai suivi cet itinéraire  vérifié  View more

    Muy próxima a Ourense, con caminos muy bonitos, buenas vistas y sobre todo una mística.....insuperable

  • Photo de meigasblue

    meigasblue 14 avr. 2019

    Fácil de seguir e moi bonita

You can or this trail